Emporiki Bank, 10 vjet suksesi në Shqipëri.

 Banka Emporiki festoi në datën 25 nëntor 2009 në një ceremoni të veçantë në ambjentet e Galerisë Kombëtare të Arteve, 10 vjetorin e aktivitetit të saj në tregun bankar shqiptar.
 
Për të celebruar 10 vjetorin e Bankës Emporiki në Shqipëri, ishte i pranishëm kryeministri i vendit z. Sali Berisha, ministra të kabinetit qeveritar, Guvernatori i Bankës së Shqipërisë z. Ardian Fullani si dhe përfaqsues të trupit diplomatik në Tiranë. Gjithashtu këtë aktivitet e nderoi dhe prania e  z. Alain Strub, Drejtor Ekzekutiv i Emporiki Bank-Greqi; z. Bruno-Marie Charrier Zv/Drejtor Ekzekutiv i Emporiki Bank Greqi; si dhe përfaqsues të tjerë të insatncave drejtuese të bankës mëmë.
 Të pranishmit patën mundësi të shohin nëpërmjet një minidokumentari shkallët që ka ngjitur banka që prej fillimit të saj e deri në inauguriminin e tre degëve më të reja gjatë vitit 2009 në: Shkodër, Lushnjë dhe Kavajë.
 Gjatë fjalës së tij kryeministri Berisha u shpreh se historia e Bankës Emporiki në Shqipëri është një histori suksesi, pasi ajo për një hark kohor të shkurtër ia ka dalë të fitojë dhe gëzojë reputacionin më të mirë që meriton. Gjithashtu ai theksoi se bankat në Shqipëri dhe ekonomia shqiptare ndjeu stuhinë e krizës botërore por ato u mbajtën më mirë se në të gjitha vendet e tjera. Dhe kjo, jo për shkak të një ekonomie centarliste, por falë një ekonomie të vërtetë të bazuar në parimet e shëndosha të tregut.
 Kurse guvernatori i Bankës së Shqipërisë z. Ardian Fullani tha se konsolidimi i tregut bankar shqiptar, i cili kaloi pa pasoja krizën financiare është rezultat i politikave të Bankës së Shqipërisë  që kanë si qëllim ruajtjen e stabilitetit ekonomik. Gjithashtu në kuadër të 10 vjetorit të Emporiki në Shqipëri guvernatori vlerësoi si një hap të rendësishëm bashkimin e Grupit Emporiki me grupin francez Crédit Agricole.
 Drejtuesit e Bankën Emporiki-Shqipëri patën mundësi të merrnin urime gjithashtu nga të gjithë klientët dhe bashkëpuntorët më të mirë që kanë dhënë kontribut në ecurinë e saj pozitive gjatë këtyre 10 viteve.
 Por vlen të theksohet se aktiviteti i Bankës ka ardhur duke u fuqizuar sidomos pasi ajo u bë pjesë e Crédit Agricole Group, i cili zotëron 82 përqind të kapitalit të saj, duke e bërë këtë institucion financiar bankën e vetme të madhe në Greqi të integruar plotësisht në një grup ndërkombëtar. Crédit Agricole Group renditet e para në Evropë për sa i përket aktivitetit të retail, dhe numri një në Francë, me 28 përqind të tregut konsumator. Me më shumë se 160 mijë punonjës në 70 shtete Crédit Agricole përfshin gjithë spektrin e aktiviteteve financiare.
 Duke qenë pjesë e këtij grupi të qendrueshëm dhe të fuqishëm, strategjia e re e Bankës Emporiki synon të përforcojë prezencën e saj në komunitetin shqiptar të biznesit, duke e parë Shqipërinë si një vend me prespektivë premtuese dhe zhvillim ekonomik pozitiv.